ކޮންކަހަލަ ލޮޅުމެއްހެ މިއައީ
މުޅި ޙަޔާތަށް އަދު މަގޭ
ކެތްނުވާފަދަ ޒަލްޒަލާއެއް
ހިތުތެރަށް އަތުވެއްޖެޔޭ
ލޯބި ދުށް ހުވަފެންތަކާއެކު
ހިތުގެ ފޮނި އުންމީދުތައް
ހިނދުކޮޅެއްގެ ތެރޭ ފެނަށްވެވި
އިންދިރާސްވެ ހިނގައްޖެޔޭ
ކިހިނެތްހެ ދެން އަހަރެން ހަދާނީ
ދެން ކޮން ޖަވާބެއް ކަލާޔަށް މަދޭނީ
ޔާރާ ތެދޭ ބޭވަފާތެރި މަނުވަމޭ
އެހެނަސްވަނީ މިއަދު މަޖުބޫރުވެފައޭ
އަހަރެންގެ ހިތާމޭ
ފިސްވެ ކުދިކުދި ވެއްޖެޔޭ
މަންޒަރު މިލޮލަށް އަދު
ދެއްކެވީ ފަހެ ކީއްވެބާ
މިތުރާގެ ތި ޙާލު ދެކެން
މިހިތަށް ކެތްވާނެހޭ
މިދެހިތް ގުޅުމަށް ތަޤުދީރު
ނުރުހެނީ އެއީ ކީއްވެބާ
ތިޙަޔާތާ މުޅިއުމުރަށް
އަހަރެން ވަކިވެއްޖެޔޭ
ތިޔަ ހަނދާން މިހިތުން ފިލީހޭ
ފަހެ ކަލާޔަށް ހީވަނީހޭ
ހިތް ފަނާވެދިޔަސް ތިލޯތްބެއް
މިހިތަކުން ނުފިލާނެޔޭ
އޯ................
ތެޅިފޮޅޭ ވަރު ހިތް މަގޭ އަދު
ނޭގުނަސް ތެދެކޭ ކަލާޔަށް
ޙަޒްރަތަށް ކީރިތި އިލާހީ
ސިއްރު ނުމެވާނޭ މެޔޭ
އެކުގާ ވަގުތު ހޭދަ ކުރެވުނު
ތަނަކީ މިއީ އޭ ހެޔޮ ނުވާނޭ
އެ ހަނދާނުގާ ދިރިހުރީމޭ
ހިތުގާ ވަނީ ހަމަ ކަލާއޭ
ނޭނގޭ އިހުސާސެއް
މިހިތުގާ އުފެދިއްޖެޔޭ
މީހަކު ތިހިތާ އަދު
ގާތްވުމުން ބިރުހީވެޔޭ
އަދިވެސް ތިޔައީ މަގޭ
ހައްގެއްހެން ހީވެޔޭ
އަދިވެސް ތިޔަ ނަލަ ތަސްވީރު
ކުރެހިފާވޭ މިހިތުގާ
ތިޔަލޯބީގާ އަދިވެސް
ވިރެމުން އެބަ ހިތް ދެޔޭ
އިންތިހާޔަށް ލޯބި ވިޔަކަސް
އެކަކު އަނެކަކު ދެކެ ބުނަންހޭ
އަހަރެމެންނަށް ދެން އެ ލޯތްބެއް
މިދުނިޔޭން ލިބުމެއް ދެން ނެތޭ
ހިތް މަގޭ އެދުނަސް ތި އޯގާތެރި
އަތުގެ ފިރުމުންތަކާ
ދެން އެފަދަ އުފަލާ އަރާމެއް
މިހިތަކަށް ލިބުމެއް ނެތޭ
ނެތިދާނެ އެންމެ ބީހިލުމަކުން
ހުރިހާ ވޭންތައް ލޯބިވާއޭ
އެހެނަސް ހިތާ ދެން އެކަންތައް
ކުރެވެން ޤަބޫލު އަދު ނެތީއޭ
އަބަދުމެ ތިޔަލޯތްބޭ
މިހިތުގާ ހިނގަމުން ދަނީ
ހިތް ލޯބި މިވާކަން
ފަހެ ގަބޫލު ކުރާނުހޭ
އަހަރެންގެ ހިތާއި މެޔާ
އޭރުން ލުއި ވާނެޔޭ
ޔާރާއޭ ތެދޭ އެވަރުން
އަހަރެންނަށް ފުދިދާނެޔޭ
ތިހަނދާންތަކުގާ އަހަރެންނަށް
ދިރި އުޅެވޭނެޔޭ
ތީމަގޭ ލޮލުގާވި ނޫރޭ
ވިންދަކީ މިހިތުގެ ތިއީއޭ
ތީ މަގޭ މި ޙަޔާތުގާވާ
ހަމައެކަނި އުންމީދަކީ
އާ.............
ނަމަވިޔަސް ލިބިފާވި އެއުފާ
ފޭރިގަނެފިޔެ އަދު ދެކޭށޭ
ދުނިޔެ މިހިތަށް ކެހި ދިނީމާ
ގައިގެ ވަރު ދެރަވެއްޖެޔޭ
މިލްކޭ މަގޭ ދޫނި ތިޔައީ
ކިހިނެއްހޭ ދެން ދިރިއުޅޭނީ
ނޭވާ މަގޭ ހާސްވަނީއޭ
ކަރުނުން ދެލޯ ފުރިދަނީއޭ
