ކިޔާ ދޫތަކުން މީ ޝުކުރުވެރި ތަރާނާ
ޝަހީދުންގެ ޒިކުރާގެ މަތިވެރި ފަސާނާ
ހިޔާ ފެތުރުވީ ރީތި މިނިވަން އަމާނާ
ފިދާކޮށް މި ވަޠަނަށްޓަކާ ރޫޙު ޖާނާ
އެއައި ކަޅު އަނދިރިރޭ ނޮވެމްބަރު ތިނެއްގާ
އެއައިހިނދު އެބާޣީން ޢަދުއްވުން އެކީގާ
ލެޔާ ކުޅެލުމުން ދިވެހި ލޮބުވެތި މި ބިމުގާ
ޝަހީދުވި ދަރިން ދެއްކެވިޔެ މާތް ނަމޫނާ
ކިޔާ ދޫތަކުން މީ ޝުކުރުވެރި ތަރާނާ
ދިވެހި އުއްމަތުގެ ޙައްޤުގާ ހަށި ފޮޅާލާ
ދިވެހި ދިދަ ޙިމާޔަތް ކުރަން އަތުގުޅާލާ
ދިވެހި ލެއިންނެ ދިޔައީ މިތާ ނަން ފަވާލާ
ދިވެހި ބިމުގެ ޝަރަފަށްޓަކާ މާތްވި ދީނާ
ކިޔާ ދޫތަކުން މީ ޝުކުރުވެރި ތަރާނާ
ފުރާނައިން ވި ޤުރުބާން އެއީ މާތް ދަރިންނޭ
ކުރާނީ ވެދުން ރީތި ފިނިފެންމަލުންނޭ
ކުރާމީ ދުޢާ ޖަންނަތުން އެދެވިގެންނޭ
އަރާމާއި ނިޢުމަތް އެދޭޙާލު ޝާނާ
ކިޔާ ދޫތަކުން މީ ޝުކުރުވެރި ތަރާނާ