ގޯޅި ގޯޅި ކަންމަތިންނެ ފެނިލުމުން ކަލާ
މޯޅިކަން ހިތުން ފިލާދަނީއެ އަޑުއަހާ
ކޯޅި ކޯޅި މާތަކުން ވެދުންކުރަން މިތާ
ރޯޅި ފިނި ހިތަށް ލިބޭނެ ބާރަކީ ކަލާ
ހައިނުކޮށް ބަލާ އުޅުނު ޒަމާނު އަރިމަތިން
ބައިސްލަކު ކޮޅެއްގަ ދުއްވަވާފަ ކުރިމަތިން
ސައިކަލެއްގެ ފަހަތު ސީޓުގައި ދެމަސްކުރިން
އައިބުކަން ނުވާ ގޮތެއްގަ އިންނެވވީ ދުށިން
އަސްތާ މިވާނީ ކިހިނަކުން އަލުން
އާރުލާ ގަހެއްގެ މާ މިހާރު ބިންނެވުން
ރާރުކެއްގެ މައި އެތުން ފިސާރި ހިއްޕެވުން
ހާރުކޮޅު ވިދާވަރުން ދެލޯމެ ހަމަ މެރުން
ކާރުކޮޅުތެރޭގަ އިންނަވާ ތި ފަރިކަމުން
ބޭނުންވާތީ ހިއްސާކުރަން
ހިއްސުތަކުގަ ރޯވެދާނެހާ ތި ފަރިކަމުން
ހިތްފުރާލަދެއްވަވާށެ ދަންނަވާ ހިތުން
ހިންމަތާއި މިންނަތުން ޅެމެއް މި ލިޔެލަނީ
ހިތްވަރެއްކުރަން މިތާ މިލަވަ ކިޔާލަނީ
ލިބުމާ ފެނުމާ އެކުވެދާތަނުން
ގޯޅި
ގޯޅި ގޯޅި ކަންމަތިންނެ ފެނިލުމުން ކަލާ
މޯޅިކަން ހިތުން ފިލާދަނީއެ އަޑުއަހާ
ކޯޅި ކޯޅި މާތަކުން ވެދުންކުރަން މިތާ
ރޯޅި ފިނި ހިތަށް ލިބޭނެ ބާރަކީ ކަލާ