މަލާ ތިޔަ ކަރުގަނޑުން ވަސްލެއް
އެހެން އަތަކަށް ނުދެއްވައްޗޭ
ހަލާކާ ގެއްލުމުގެ ތެރެއަށް
ޙަޔާތު ނަގާ ނުލައްވައްޗޭ
ޙިމާޔަތެކޭ ހިތަށް ހީވާ
ޚިޔާލުތަކެއް ހިނގަން ފެށިޔަސް
ޙިމާޔަތެކޭ ހިތަށް ހީވާ
ޚިޔާލުތަކެއް ހިނގަން ފެށިޔަސް
ދިމާޔަށް އަންނަ ކެހިވެރި ކަމުގެ
ލޮންސިން މިންޖުވެސް ވައްޗޭ
ދިމާޔަށް އަންނަ ކެހިވެރި ކަމުގެ
ލޮންސިން މިންޖުވެސް ވައްޗޭ
މަލާ ތިޔަ ކަރުގަނޑުން ވަސްލެއް
އެހެން އަތަކަށް ނުދެއްވައްޗޭ
އިހަށް ދުށް ހިތި ނަތީޖާތައް
އެފަރިވީ އެންމެ ނާޒުކުއިރު
އިހަށް ދުށް ހިތި ނަތީޖާތައް
އިހަށް ދުށް ހިތި ނަތީޖާތައް
އެފަރިވީ އެންމެ ނާޒުކުއިރު
އިހަށް ވިސްނާ އެއިން ޢިބުރަތް
ތަކެއް ޙާސިލް ކުރައްވައްޗޭ
މަލާ ތިޔަ ކަރުގަނޑުން ވަސްލެއް
އެހެން އަތަކަށް ނުދެއްވައްޗޭ
މަލާ މިނިވަން ފަޒާގެ ތެރޭ
ޝަބާބުގެ ނިޢުމަތުން ފުރިގެން
މަލާ މިނިވަން ފަޒާގެ ތެރޭ
ޝަބާބުގެ ނިޢުމަތުން ފުރިގެން
ސަލާމަތް ގުލްޝަނުން ލިބިގެން
ޝަރަފު ވެއްޔާ ނުމޮޑެލައްޗޭ
މަލާ ތިޔަ ކަރުގަނޑުން ވަސްލެއް
އެހެން އަތަކަށް ނުދެއްވައްޗޭ
އެދުންވެރިކަމުގެ އެކިއެކި ދޫނިތައް
އެކުރާ ޢިޝާރާތަށް
އެދުންވެރިކަމުގެ އެކިއެކި ދޫނިތައް
އެކުރާ ޢިޝާރާތަށް
އެދުންވެރި ވާނެޔޭ ނަމަވެސް
ތަނޑުން ލުހިގެން ނުވެއްޓެއްޗޭ
މަލާ ތިޔަ ކަރުގަނޑުން ވަސްލެއް
އެހެން އަތަކަށް ނުދެއްވައްޗޭ
ޚަބަރުދާރޭ މަލާ ތިޔަ ނާޒުކީ
ކަރުގަނޑުގެ ނިސްބަތުގާ
ޚަބަރުދާރޭ މަލާ ތިޔަ ނާޒުކީ
ކަރުގަނޑުގެ ނިސްބަތުގާ
އަބަދު މިދެކޭ އުސޫލުތަކުން
ޙަޔާތެއް ރީތި ހޯދައްޗޭ
މަލާ ތިޔަ ކަރުގަނޑުން ވަސްލެއް
އެހެން އަތަކަށް ނުދެއްވައްޗޭ
ހަލާކާ ގެއްލުމުގެ ތެރެއަށް
ޙަޔާތު ނަގާ ނުލައްވައްޗޭ
މަލާ ތިޔަ ކަރުގަނޑުން ވަސްލެއް
އެހެން އަތަކަށް ނުދެއްވައްޗޭ
